ਪੀ.ਏ.ਯੂ. ਦੀ ਸਾਬਕਾ ਵਿਦਿਆਰਥੀ ਕੈਨੇਡਾ ਵਿੱਚ ਸਰਵੋਤਮ ਗਿੱਧਾ ਡਾਂਸਰ ਬਣੀ
ਲੁਧਿਆਣਾ, 17 ਅਪ੍ਰੈਲ : ਪੀ.ਏ.ਯੂ. ਦੇ ਖੇਤੀਬਾੜੀ ਕਾਲਜ ਦੀ ਸਾਬਕਾ ਵਿਦਿਆਰਥੀ ਕੁਮਾਰੀ ਪੁਰਵਿਕਾ ਛੁਨੇਜਾ ਨੇ ਬੀਤੀ ਦਿਨੀਂ ਫਲਾਵਰ ਸਿਟੀ, ਬਰੈਂਪਟਨ, ਕੈਨੇਡਾ ਵੱਲੋਂ ਕਰਵਾਏ ਗਿੱਧੇ ਦੇ ਆਲ ਕੈਨੇਡਾ ਮੁਕਾਬਲੇ ਵਿੱਚ ਸਰਵੋਤਮ ਡਾਂਸਰ ਦਾ ਪੁਰਸਕਾਰ ਜਿੱਤਿਆ । ਉਹਨਾਂ ਦੀ ਟੀਮ ’ਸੁਨਹਿਰੀ ਪਿੱਪਲ ਪੱਤੀਆਂ’ ਨੇ ਵੀ ਕੈਨੇਡਾ ਵਿੱਚ ਰਾਸ਼ਟਰੀ ਪੱਧਰ ’ਤੇ ਗਿੱਧਾ ਮੁਕਾਬਲੇ ਵਿਚ ਦੂਜਾ ਸਥਾਨ ਹਾਸਲ ਕੀਤਾ । ਪੁਰਵਿਕਾ ਗਿੱਧੇ ਦੇ ਕੋਚ ਦੇ ਨਾਲ-ਨਾਲ ਆਪਣੀ ਟੀਮ ਦੀ ਕਪਤਾਨ ਵੀ ਹੈ। ਜ਼ਿਕਰਯੋਗ ਹੈ ਕਿ ਇਸ ਓਪਨ ਮੁਕਾਬਲੇ ਵਿੱਚ ਕੈਨੇਡਾ ਭਰ ਦੀਆਂ ਗਿੱਧਾ ਟੀਮਾਂ ਨੇ ਭਾਗ ਲਿਆ ਸੀ।
ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ ਅਤੇ ਖੇਤੀਬਾੜੀ ਕਾਲਜ ਦੇ ਡੀਨ ਡਾ. ਰਵਿੰਦਰ ਕੌਰ ਧਾਲੀਵਾਲ ਨੇ ਕੈਨੇਡਾ ਵਿੱਚ ਵੱਕਾਰੀ ਐਵਾਰਡ ਹਾਸਲ ਕਰਨ ਲਈ ਉਨ ਦੀ ਸਲਾਘਾ ਕੀਤੀ|