ਮੁੱਖ ਮੰਤਰੀ ਮਾਨ ਦਾ ਹਲਕਾ ਪੂਰਬੀ ਦੇ ਇਲਾਕਾ ਟਿੱਬਾ ਰੋਡ 'ਚ ਰੋਡ ਸ਼ੋਅ , ਪੱਪੀ ਨੂੰ ਵੋਟ ਪਾਉਣ ਦੀ ਕੀਤੀ ਅਪੀਲ
ਗੈਂਗਸਟਰ ਸੁੱਖਾ ਬਾੜੇਵਾਲੀਆ ਦੇ ਕਤਲ ਦੇ ਮਾਮਲੇ ਵਿਚ ਦੋਸ਼ੀ ਬੱਬੂ ਨੇ ਜਾਰੀ ਵੀਡੀਓ 'ਚ ਕੀਤੇ ਇਹ ਵੱਡੇ ਖੁਲਾਸੇ
ਲੁਧਿਆਣਾ : ਥਾਣਾ ਹੈਬੋਵਾਲ ਪੁਲਿਸ ਵਲੋਂ ਸੁਖਪ੍ਰੀਤ ਸਿੰਘ ਉਰਫ਼ ਸੁੱਖਾ ਬਾੜੇਵਾਲੀਆ ਕਤਲ ਕਾਂਡ ਦੇ ਦੋਸ਼ੀਆਂ ਨੂੰ ਕਾਬੂ ਕਰਨ ਦੀਆਂ ਕੋਸ਼ਿਸ਼ਾਂ ਦੌਰਾਨ ਇਕ ਭਗੌੜੇ ਮੁਲਜ਼ਮ ਨੇ ਬੀਤੇ ਦਿਨ ਇੱਕ ਵੀਡੀਓ ਜਾਰੀ ਕੀਤੀ ਹੈ ਜਿਸ ਵਿਚ ਨਿਰਪੱਖ ਜਾਂਚ ਦੀ ਮੰਗ ਕੀਤੀ ਗਈ ਹੈ | ਉਸਨੇ ਜਾਂਚ ਕਰ ਰਹੇ ਇਕ ਐਸਐਚਓ 'ਤੇ ਨਿੱਜੀ ਰੰਜਿਸ਼ ਕਾਰਨ ਜਾਂਚ ਨੂੰ ਤੋੜ-ਮਰੋੜ ਕੇ ਪੇਸ਼ ਕਰਨ ਦੇ ਦੋਸ਼ ਵੀ ਲਾਏ ਹਨ। ਹਾਲਾਂਕਿ ਪੁਲਿਸ ਅਧਿਕਾਰੀ ਨੇ ਇਨ੍ਹਾਂ ਦੋਸ਼ਾਂ ਦਾ ਖੰਡਨ ਕਰਦਿਆਂ ਇਨ੍ਹਾਂ ਨੂੰ ਬੇਬੁਨਿਆਦ ਦੱਸਿਆ ।
ਦੱਸ ਦੇਈਏ ਕਿ 8 ਮਈ ਨੂੰ ਸੁੱਖਾ ਬਾੜੇਵਾਲੀਆ ਨੂੰ ਹੈਬੋਵਾਲ ਦੇ ਜੋਗਿੰਦਰ ਨਗਰ ਵਿਚ ਰੋਹਿਤ ਮਲਹੋਤਰਾ ਦੇ ਘਰ ਗੋਲੀ ਮਾਰ ਦਿੱਤੀ ਗਈ ਸੀ। ਰੋਹਿਤ ਦੀ ਅੱਖ 'ਤੇ ਵੀ ਗੋਲੀ ਲੱਗੀ ਸੀ। ਪੁਲਿਸ ਨੇ ਰੋਹਿਤ, ਪੱਖੋਵਾਲ ਰੋਡ ਦੇ ਗੋਪਾਲ ਮਹਾਜਨ ਉਰਫ਼ ਗੋਪੀ ਤੇ ਆਰੀਆ ਮੁਹੱਲਾ ਦੇ ਸੂਰਜ ਪ੍ਰਕਾਸ਼ ਉਰਫ ਬੱਬੂ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਰੋਹਿਤ ਹਸਪਤਾਲ 'ਚ ਦਾਖ਼ਲ ਹੈ, ਜਦਕਿ ਬਾਕੀ ਦੋਸ਼ੀ ਅਜੇ ਫ਼ਰਾਰ ਹਨ।
ਸੋਮਵਾਰ ਦੁਪਹਿਰ ਨੂੰ ਸੂਰਜ ਉਰਫ਼ ਬੱਬੂ ਨੇ ਇਕ ਵੀਡੀਓ ਜਾਰੀ ਕੀਤੀ। ਵੀਡੀਓ ਵਿਚ ਦਾਅਵਾ ਕੀਤਾ ਗਿਆ ਕਿ ਰੋਹਿਤ ਵਲੋਂ ਬਾਰ-ਬਾਰ ਕਹੇ ਜਾਣ ਤੋਂ ਬਾਅਦ ਉਹ ਅਤੇ ਸੁੱਖਾ ਆਪਣੇ ਮਸਲੇ ਹੱਲ ਕਰਨ ਲਈ ਰੋਹਿਤ ਦੇ ਘਰ ਗਏ ਸਨ। ਉਸ ਨੇ ਇਹ ਵੀ ਦਾਅਵਾ ਕੀਤਾ ਕਿ ਰੋਹਿਤ ਨਸ਼ੇ ਦੀ ਤਸਕਰੀ ਲਈ ਸੁੱਖੇ ਦਾ ਨਾਂ ਵਰਤ ਰਿਹਾ ਸੀ ਅਤੇ ਸੁੱਖਾ ਇਸ ਦੇ ਖ਼ਿਲਾਫ਼ ਸੀ।
ਬੱਬੂ ਨੇ ਦਾਅਵਾ ਕੀਤਾ ਕਿ ਉਸ ਦਾ ਰੋਹਿਤ ਜਾਂ ਕਿਸੇ ਹੋਰ ਨੂੰ ਨੁਕਸਾਨ ਪਹੁੰਚਾਉਣ ਦਾ ਕੋਈ ਇਰਾਦਾ ਨਹੀਂ ਸੀ। ਜਦੋਂ ਮੁਲਜ਼ਮ ਨੇ ਸੁੱਖਾ ਨੂੰ ਗੋਲੀ ਮਾਰ ਦਿੱਤੀ ਤਾਂ ਉਸ ਨੇ ਆਪਣੇ ਬਚਾਅ ਵਿਚ ਗੋਲੀ ਚਲਾ ਦਿੱਤੀ ਅਤੇ ਮੌਕੇ ਤੋਂ ਫ਼ਰਾਰ ਹੋ ਗਿਆ, ਨਹੀਂ ਤਾਂ ਉਸ ਦੀ ਵੀ ਮੌਤ ਹੋ ਸਕਦੀ ਸੀ। ਉਸਨੇ ਇਹ ਵੀ ਕਿਹਾ ਕਿ ਉਹ ਇਸ ਦੇ ਲਈ ਦੋਸ਼ਾਂ ਦਾ ਸਾਹਮਣਾ ਕਰਨ ਲਈ ਤਿਆਰ ਹੈ, ਹਾਲਾਂਕਿ ਪੁਲਿਸ ਉਸਨੂੰ ਕਿਸੇ ਹੋਰ ਦੋਸ਼ ਵਿਚ ਫਸਾਉਣਾ ਨਹੀਂ ਚਾਹੁੰਦੀ।
ਬੱਬੂ ਨੇ ਦੋਸ਼ ਲਾਇਆ ਕਿ ਜਾਂਚ ਨਾਲ ਸਬੰਧਤ ਇਕ ਅਧਿਕਾਰੀ ਨਿੱਜੀ ਰੰਜਿਸ਼ ਦਿਖਾ ਰਿਹਾ ਹੈ | ਜੁਲਾਈ, 2021 ਵਿਚ ਇਕ ਔਰਤ ਨੂੰ ਆਤਮ ਹੱਤਿਆ ਲਈ ਉਕਸਾਉਣ ਦੇ ਦੋਸ਼ ਵਿਚ ਉਕਤ ਅਧਿਕਾਰੀ ਅਤੇ ਉਸਦੇ ਪਿਤਾ, ਭਰਾ ਅਤੇ ਹੋਰ ਸਾਥੀ ਵਿਰੁੱਧ ਇਕ ਐੱਫ.ਆਈ.ਆਰ. ਦਰਜ ਕੀਤੀ ਗਈ ਸੀ | ਉਸ ਕੇਸ ਵਿਚ ਉਸਨੇ ਉਸ ਤੋਂ ਮਦਦ ਮੰਗੀ ਸੀ, ਪਰ ਉਸਨੇ ਇਨਕਾਰ ਕਰ ਦਿੱਤਾ ਸੀ। ਇਸ ਕਾਰਨ ਹੁਣ ਉਕਤ ਅਧਿਕਾਰੀ ਉਸ ਦੇ ਪਰਿਵਾਰ ਅਤੇ ਦੋਸਤਾਂ ਨੂੰ ਤੰਗ ਪ੍ਰੇਸ਼ਾਨ ਕਰ ਰਿਹਾ ਹੈ ਅਤੇ ਜਾਂਚ ਨੂੰ ਨਾਜਾਇਜ਼ ਦੂਸਰਾ ਰੂਪ ਦੇ ਰਿਹਾ ਹੈ | ਉਨ੍ਹਾਂ ਇਸ ਮਾਮਲੇ ਦੀ ਜਾਂਚ ਕਿਸੇ ਹੋਰ ਅਧਿਕਾਰੀ ਨੂੰ ਦੇਣ ਲਈ ਵੀ ਕਿਹਾ, ਜਿਸ ਤੋਂ ਬਾਅਦ ਉਹ ਆਤਮ ਸਮਰਪਣ ਕਰ ਦੇਣਗੇ। ਵੀਡੀਓ ਵਿਚ ਉਸਨੇ ਇਹ ਵੀ ਦਾਅਵਾ ਕੀਤਾ ਕਿ ਰੋਹਿਤ ਦੀ ਪਤਨੀ ਮਠਿਆਈਆਂ ਦਾ ਇਕ ਡੱਬਾ ਲੈ ਕੇ ਉੱਪਰ ਆਈ ਸੀ, ਜਿਸ ਵਿਚ ਉਸਨੇ ਹਥਿਆਰ ਛੁਪਾਏ ਹੋਏ ਸਨ।
ਇਕ ਪੁਲਿਸ ਅਧਿਕਾਰੀ ਨੇ ਕਿਹਾ ਕਿ ਸਭ ਤੋਂ ਪਹਿਲਾਂ ਰੋਹਿਤ ਦੀ ਪਤਨੀ ਘਟਨਾ ਦੇ ਸਮੇਂ ਘਰ ਵਿਚ ਮੌਜੂਦ ਨਹੀਂ ਸੀ। ਇਸ ਤੋਂ ਇਲਾਵਾ, ਜੇਕਰ ਬੱਬੂ ਦਾ ਇਹ ਦਾਅਵਾ ਸੱਚ ਹੈ ਕਿ ਉਹ ਅਤੇ ਸੁੱਖਾ ਉੱਥੇ ਲੜਾਈ ਕਰਨ ਨਹੀਂ ਗਏ ਸਨ, ਤਾਂ ਬੱਬੂ ਹਥਿਆਰ ਲੈ ਕੇ ਕਿਉਂ ਗਿਆ ਸੀ।
ਬੱਬੂ ਨੇ ਵੀਡੀਓ ਵਿਚ ਮੰਨਿਆ ਹੈ ਕਿ ਉਸ ਨੇ ਮੌਕੇ 'ਤੇ ਗੋਲੀਬਾਰੀ ਕੀਤੀ ਸੀ। ਜਾਂਚ ਅਧਿਕਾਰੀ 'ਤੇ ਲੱਗੇ ਦੋਸ਼ਾਂ ਬਾਰੇ ਪੁੱਛਣ 'ਤੇ ਅਧਿਕਾਰੀ ਨੇ ਕਿਹਾ, ਬੱਬੂ ਦਾ ਉਸ ਨਾਲ ਕੋਈ ਨਿੱਜੀ ਮਾਮਲਾ ਹੋ ਸਕਦਾ ਹੈ, ਹਾਲਾਂਕਿ ਇਹ ਇਕ ਵੱਖਰਾ ਮਾਮਲਾ ਹੈ। ਮਾਮਲੇ 'ਚ ਬੱਬੂ, ਰੋਹਿਤ ਅਤੇ ਗੋਪਾਲ ਦੋਸ਼ੀ ਹਨ, ਜਿਨ੍ਹਾਂ ਨੂੰ ਜਲਦ ਗਿ੍ਫ਼ਤਾਰ ਕਰ ਲਿਆ ਜਾਵੇਗਾ। ਬੱਬੂ ਦੀ ਇਸ ਵੀਡੀਓ ਨੇ ਜਾਂਚ ਅਧਿਕਾਰੀ ਨੂੰ ਹੀ ਸਵਾਲਾਂ ਦੇ ਘੇਰੇ ਵਿੱਚ ਲੈ ਆਂਦਾ ਹੈ।
Story You May Like
Hindis
Thought of the day
