तीर्थयात्रि नहीं कर सकेंगे मंदिर परिसर के 50 मीटर के दायरे में वीडियो, रील शूट
400 ਦਿਨਾਂ ਦੀ ਸ਼ਾਨਦਾਰ FD ਸਕੀਮ... ਮਿਲੇਗਾ ਜ਼ਬਰਦਸਤ ਵਿਆਜ, SBI ਨੇ ਫਿਰ ਵਧਾਈ ਸਮਾਂ ਸੀਮਾ
ਫਿਕਸਡ ਡਿਪਾਜ਼ਿਟ ਭਾਵ FD ਨੂੰ ਨਿਵੇਸ਼ ਲਈ ਬਿਹਤਰ ਵਿਕਲਪ ਮੰਨਿਆ ਜਾਂਦਾ ਹੈ। ਪਿਛਲੇ ਸਾਲ ਜਦੋਂ ਮਹਿੰਗਾਈ ਆਪਣੇ ਸਿਖਰ 'ਤੇ ਸੀ ਅਤੇ ਭਾਰਤੀ ਰਿਜ਼ਰਵ ਬੈਂਕ ਨੇ ਰੈਪੋ ਰੇਟ ਵਧਾ ਕੇ ਲੋਕਾਂ 'ਤੇ ਬੋਝ ਵਧਾਇਆ ਸੀ, ਉਦੋਂ ਦੇਸ਼ ਦੇ ਕਈ ਬੈਂਕਾਂ ਨੇ ਆਪਣੀਆਂ ਐੱਫਡੀ 'ਤੇ ਵਿਆਜ ਦਰ ਵਧਾ ਕੇ ਗਾਹਕਾਂ ਨੂੰ ਰਾਹਤ ਦਿੱਤੀ ਸੀ। ਇਹ ਪ੍ਰਕਿਰਿਆ ਅਜੇ ਵੀ ਜਾਰੀ ਹੈ ਅਤੇ ਬੈਂਕ ਐਫਡੀ 'ਤੇ ਮਜ਼ਬੂਤ ਵਿਆਜ ਦੇ ਰਹੇ ਹਨ। ਇਨ੍ਹਾਂ ਵਿੱਚ ਦੇਸ਼ ਦੇ ਸਭ ਤੋਂ ਵੱਡੇ ਬੈਂਕ SBI ਦੀ ਅੰਮ੍ਰਿਤ ਕਲਸ਼ ਸਕੀਮ (SBI Amrit Kalash FD Scheme) ਸ਼ਾਮਲ ਹੈ, ਜਿਸ ਵਿੱਚ 7 ਫੀਸਦੀ ਤੋਂ ਵੱਧ ਵਿਆਜ ਦੀ ਪੇਸ਼ਕਸ਼ ਕੀਤੀ ਜਾ ਰਹੀ ਹੈ। ਇਹ ਸਕੀਮ 15 ਅਗਸਤ 2023 ਨੂੰ ਖਤਮ ਹੋ ਰਹੀ ਸੀ, ਪਰ SBI ਨੇ ਇਹ ਸਮਾਂ ਸੀਮਾ ਵਧਾ ਦਿੱਤੀ ਹੈ।
ਭਾਰਤੀ ਸਟੇਟ ਬੈਂਕ ਦੀ ਵੈੱਬਸਾਈਟ ਦੇ ਅਨੁਸਾਰ, ਗਾਹਕਾਂ ਨੂੰ ਵਿਸ਼ੇਸ਼ ਫਿਕਸਡ ਡਿਪਾਜ਼ਿਟ ਸਕੀਮ ਅੰਮ੍ਰਿਤ ਕਲਸ਼ FD ਵਿੱਚ ਨਿਵੇਸ਼ ਕਰਨ ਦੇ ਵਧੇਰੇ ਮੌਕੇ ਦਿੱਤੇ ਗਏ ਹਨ। ਇਸਦੀ ਵਧਦੀ ਲੋਕਪ੍ਰਿਅਤਾ ਨੂੰ ਦੇਖਦੇ ਹੋਏ ਬੈਂਕ ਨੇ ਇਸ FD ਸਕੀਮ ਦੀ ਸਮਾਂ ਸੀਮਾ ਇੱਕ ਵਾਰ ਫਿਰ ਵਧਾ ਦਿੱਤੀ ਹੈ। ਹੁਣ ਨਿਵੇਸ਼ਕ 31 ਦਸੰਬਰ 2023 ਤੱਕ ਇਸ 'ਚ ਖਾਤਾ ਖੋਲ੍ਹ ਸਕਣਗੇ ਅਤੇ ਫਾਇਦਾ ਲੈ ਸਕਣਗੇ। ਇਹ SBI ਦੀ ਇੱਕ ਵਿਸ਼ੇਸ਼ FD ਸਕੀਮ ਹੈ, ਜਿਸ ਵਿੱਚ 400 ਦਿਨਾਂ ਲਈ ਨਿਵੇਸ਼ ਕਰਨਾ ਹੁੰਦਾ ਹੈ।
ਐਸਬੀਆਈ ਦੀ ਇਸ ਵਿਸ਼ੇਸ਼ ਐਫਡੀ ਯੋਜਨਾ ਵਿੱਚ ਜਿੱਥੇ ਆਮ ਗਾਹਕਾਂ ਨੂੰ 7.1 ਪ੍ਰਤੀਸ਼ਤ ਦੀ ਦਰ ਨਾਲ ਵਿਆਜ ਮਿਲਦਾ ਹੈ, ਉੱਥੇ ਬੈਂਕ ਸੀਨੀਅਰ ਨਾਗਰਿਕਾਂ ਨੂੰ 7.6 ਪ੍ਰਤੀਸ਼ਤ ਦੀ ਦਰ ਨਾਲ ਵਿਆਜ ਪ੍ਰਦਾਨ ਕਰ ਰਿਹਾ ਹੈ। ਇਸ ਸਕੀਮ ਦੀ ਸ਼ੁਰੂਆਤ ਤੋਂ ਬਾਅਦ ਇਸ ਦੀ ਆਖਰੀ ਮਿਤੀ ਦੋ ਵਾਰ ਵਧਾਈ ਜਾ ਚੁੱਕੀ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਸਟੇਟ ਬੈਂਕ ਨੇ ਇਸ ਸਾਲ 12 ਅਪ੍ਰੈਲ ਨੂੰ ਇਹ ਸਕੀਮ ਸ਼ੁਰੂ ਕੀਤੀ ਸੀ ਅਤੇ ਇਸਦੀ ਸਮਾਂ ਸੀਮਾ 23 ਜੂਨ 2023 ਤੱਕ ਤੈਅ ਕੀਤੀ ਗਈ ਸੀ। ਪਰ, ਆਖਰੀ ਮਿਤੀ ਖਤਮ ਹੋਣ ਤੋਂ ਪਹਿਲਾਂ, ਬੈਂਕ ਨੇ ਗਾਹਕਾਂ ਨੂੰ ਅੰਮ੍ਰਿਤ ਕਲਸ਼ ਸਕੀਮ ਵਿੱਚ ਨਿਵੇਸ਼ ਕਰਨ ਲਈ 15 ਅਗਸਤ, 2023 ਤੱਕ ਦਾ ਮੌਕਾ ਦਿੱਤਾ। ਹੁਣ ਇਕ ਵਾਰ ਫਿਰ ਅਪਲਾਈ ਕਰਨ ਲਈ 31 ਦਸੰਬਰ 2023 ਤੱਕ ਦਾ ਮੌਕਾ ਦਿੱਤਾ ਗਿਆ ਹੈ।